Čaściej za ŭsio na publicy Łukašenka-małodšy źjaŭlajecca ŭ dobra skrojenych uborach ciomna-siniaha i čornaha koleraŭ. Jak miarkujecca, rečy dla maładoha čałavieka šyjucca ŭ staličnym atelje LineA — tam ža, dzie stvarajucca kaściumy amal usioj łukašenkaŭskaj elity.
Pastaleŭšy, Mikałaj staŭ nasić stryžku-«brytanku».
Junak, jak i baćka, zachaplajecca chakiejem. Padčas pajezdki biełaruskaj delehacyi ŭ Kitaj Si Czińpin padaryŭ chłopcu spartyŭny kaścium z kitajskim ściaham. Zrešty, naŭrad ci padarunak pryjšoŭsia da dvara — jon vyrableny ŭ bieła-čyrvonych kolerach z załatoj ustaŭkaj.
Fota: pres-słužba Łukašenki
U harderobie Koli taksama možna zaŭvažyć niekalki rečaŭ ad LEPSHY — praŭładnaha mierča.
Fota: fan-staronka Koli ŭ instahramie
U redkija momanty, kali Mikałaj znachodzicca na trybunie, možna razhledzieć adzieńnie, jakoje jon vybiraje dla nie pratakolnych mierapryjemstvaŭ. Tak, na adzin z matčaŭ junak pryjšoŭ u futbołcy ad Stone Island — lubimym brendzie anhlijskich ultras i prychilnikaŭ ultrapravych idej.
Fota: pressball.by
Dla inšych paŭsiadzionnych aŭtfitaŭ chłopiec abiraje demakratyčnyja marki sport-kežuał. Naprykład, cišotki ad Under Armour ci kłasičnyja poła ad viadomaha brenda Marc O'Polo.
Fota: skryn videa
Cikava, što ŭ adroźnieńnie ad inšych svajakoŭ harderob Koli nielha nazvać bahatym. Toje ž datyčycca aksesuaraŭ: chłopiec uvohule nie nosić hadzińnikaŭ.
Fota: president.gov.by
U 2020-m Mikałaj zapomniŭsia broniekamizelkaj i aŭtamatam, ź jakimi prademanstravaŭ svaju łajalnaść i rašučaść abaraniać idei kiraŭnika siamji.
Fota: «Puł pieršaha»
***
Mikałaj, treci syn Alaksandra Łukašenki, naradziŭsia 31 žniŭnia 2004 hoda. Mama Koli Iryna Abielskaja — byłaja asabistaja doktarka kiraŭnika Biełarusi. Ciapier jana hałoŭnaja doktarka Respublikanskaha kliničnaha miedyčnaha centra (lečkamisii).
Čytajcie taksama:
Kola ź dziacinstva byŭ častym spadarožnikam baćki. Jość mierkavańnie, što ideja brać u zamiežnyja pajezdki dzicia pryjšła łordu Cimaci Bełu — brytanskamu pijar-stratehu, jaki ŭ siaredzinie nulavych pracavaŭ nad imidžam Łukašenki. Śpiecyjalistu zdavałasia, što maleńki syn nadaje vobrazu palityka miakkaści i čałaviečnaści.
Łukašenka zajaŭlaŭ, što nie moh ni z kim pakinuć chłopčyka, bo toj słuchaŭsia tolki baćku. Jaho značnaja rola ŭ žyćci chłopca bačnaja i ŭ drobiaziach. Adnojčy, zaŭvažyŭšy, što słužba pratakołu svoječasova nie dała Łukašenku-starejšamu parason, Mikałaj irvanuŭ da jaho, kab padzialicca svaim.
Fota: skryn videa
Kali ŭ studzieni 2023 Łukašenka naviedvaŭ MTZ, to zhadvaŭ, što Mikałaj pastajanna siadzić u internecie. «Karyści ad jaho šmat. Jon mnie prynosić usiu infarmacyju. Voś ty zaŭtra niešta brydkaje pra mianie napišaš, a jon mnie «tata, pahladzi, narod piša», — raskazvaŭ palityk.
Mikałaj ciapier student. Jon pastupiŭ na bijafak BDU, ale ciapier pa prahramie vučycca ŭ Piekinskim univiersitecie.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
