Fota: Taša Kacuba, «Good riot policeman», 2020 hod
Mastačka Taša Kacuba zajaviła pra siabie ŭ 2019 hodzie — tady jana stała pieramožcaj štohadovaj vystavy «Vosieński sałon». Chutka adbyłasia jaje piersanalnaja vystava ŭ minskim Pałacy mastactvaŭ. Adnak, niahledziačy na pośpiech u biełaruskaj art-prastory, paśla vybaraŭ u 2020-m dziaŭčynie pryjšłosia pakinuć stalicu i źjechać u viosku.
Jana vostra pieražyvała padziei tych miesiacaŭ: «U žniŭni 2020 hoda ja žyła ŭ Minsku pobač ź Niamihaj. Adnojčy na pratestach napieradzie pačalisia vybuchi, natoŭp pabieh nazad, maje znajomyja chłopcy raptoŭna spynilisia, ja taksama. Mima, zusim pobač, prabiahali amapaŭcy. Ja hladžu siłavikam u vočy, zaziraju ŭ ich tvary, a jany nas uvohule nie bačać, my byccam stali niabačnymi» — pryznavałasia dziaŭčyna ŭ adnym z intervju.
U hety pieryjad mastačka stvaryła šerah rabot, jakija apisvali jaje bačańnie taho, što adbyvałasia ŭ krainie. Častka tvoraŭ toj pary była pryśviečana rabotnikam siłavych struktur.
Fota: Taša Kacuba, «Good riot policeman», 2020 hod
Paśla pasadki samalota, na borcie jakoha znachodziŭsia Raman Pratasievič, dziaŭčyna źjechała va Ukrainu, dzie jaje zaśpieła vajna. Praz paru miesiacaŭ zdaryŭsia pierajezd u Polšču.
Fota: Taša Kacuba, «Cieła, jak vyślizhvajučy abjekt», 2021 hod
Polski bamond ź cikavaściu sustreŭ biełaruskuju mastačku. U studzieni 2023-ha adbyłasia jaje pieršaja vystava ŭ Varšavie, a nieŭzabavie raboty Kacuby byli vystaŭleny ŭ Hdańsku.
Fota: instahram brenda
Ciapier Taša praciahvaje svaju tvorčaść za miežami Biełarusi. U emihracyi dziaŭčyna zapuściła brend adzieńnia i aksiesuaraŭ Katsuba Clothes.
Fota: instahram brenda
Viadomy modny časopis Vogue Polska źviarnuŭ uvahu na kalekcyju Bricks aŭtarstva talenavitaj mastački.
Fota: instahram brenda
«U aksiesuarach Tašy jość niešta hodnaje, ale ŭ toj ža čas tryvožnaje, žałobnaje i buntarskaje. Sumki vykanany ŭ formie cehły i majuć hłyboki čorny koler. Elehantny aksiesuar moža stać simvaličnaj zbrojaj, nakiravanaj suprać kryvavych dyktataraŭ i ŭzurpataraŭ», — adznačyli ŭ vydańni.
Fota: instahram brenda
Žurnalisty časopisa źviarnuli ŭvahu i na kalekcyju adzieńnia People siezona viasna-leta'24, vychad jakoj namiečany na nastupny hod. Kapsuła składajecca z 9 kaściumaŭ, kožny ź jakich, jak piša mastačka, pieradaje nastroj sučasnaha hramadstva.
Fota: instahram brenda
