«Supierliha Jeŭropy pierakananaja, što stanovišča spraŭ u jeŭrapiejskim futbole patrabuje źmienaŭ. My prapanujem novy turnir, bo dziejnaja sistema nie pracuje. Naša prapanova nacelena na toje, kab sport raźvivaŭsia, dajučy pry hetym resursy i stabilnaść dla raźvićcia ŭsioj futbolnaj piramidy i ŭ tym liku dapamahajučy ŭsioj futbolnaj hramadskaści, jakaja sutyknułasia ź finansavymi składanaściami va ŭmovach pandemii. Taksama ŭsie futbolnyja hrupy atrymali b pavialičanyja salidarnyja vypłaty.
Niahledziačy na sychod anhlijskich kłubaŭ, jakija byli vymušanyja pajści na heta pad ciskam, my ŭpeŭnienyja, što naša prapanova całkam adpaviadaje zakonam i normam Jeŭropy, što i było paćvierdžana rašeńniem suda ab abaronie Supierlihi ad dziejańniaŭ trecich bakoŭ».
U pres-słužbie abiacajuć pierafarmatavać prajekt.
Ab stvareńni Supierlihi Jeŭropy było abvieščana dva dni tamu. Kłubami-zasnavalnikami vystupili anhlijskija «Mančester Junajted», «Mančester Sici», «Livierpul», «Čełsi», «Arsienał», «Totenchem», ispanskija «Barsiełona», «Reał», «Atletyka», «Juvientus», «Inter» i «Miłan». Prezidentam lihi staŭ Fłarencina Pieres, jaki zajmaje anałahičnuju pasadu ŭ «Reale».
Adnak kłuby sutyknulisia z chvalaj niehatyvu jak z boku inšych kłubaŭ, tak i z boku fanataŭ, kiraŭncitva svaich lihaŭ, a UEFA abiacała prymianić sankcyi da ich i hulcoŭ, u pryvatnaści, zabaranić vystupać za zbornyja.
