Momant matča. Fota z sajta championat.com
Pierad matčam premjer-lihi hałoŭny trenier «Sočy» Rabierta Marena paviedamiŭ, što ŭsiaho atrucilisia 19 čałaviek: 14 hulcoŭ i 5 čałaviek ź piersanału kamandy, piša Sota.
Marena pryjšłosia vypuścić na pole tych hulcoŭ, chto adčuvaŭ siabie adnosna lepš za inšych: častka futbalistaŭ prosta nie mahła ŭstać, usie pakutavali abiazvodžvańniem.
Pryčyna atručeńnia zastałasia nieviadomaj, Rasijski futbolny sajuz damoviŭsia pieranieści matč, hienieralny sakratar arhanizacyi Maksim Mitrafanaŭ zajaviŭ, što heta było zroblena z-za «adsutnaści aficyjnych dakumientaŭ» ad «Sočy».
U vyniku «Achmat» — adno ź dzieciščaŭ Ramzana Kadyrava — pieramoh ź likam 1:0 i pakinuŭ zonu vyletu.
Da kanca čempijanatu Rasii pa futbole zastałosia piać turaŭ. Kamandy, što zojmuć 15-je i 16-je miescy, napramuju vylatajuć z rasijskaj premjer-lihi. Kłuby, što finišujuć 13-j i 14-j, buduć hulać stykavyja matčy z 3-1 i 4-j kamandami pieršaj lihi. «Urał» treniruje biełarus Viktar Hančarenka. Tablica: soccerstand.com
Čytajcie taksama:
Jašče ŭ adnym top-čempijanacie pamierła intryha
Biełaruskim telekanałam dazvolili pakazvać pirackija tranślacyi Jeŭra-2024
«Bajer» ź Levierkuzena ŭpieršyniu ŭ svajoj historyi staŭ čempijonam Hiermanii pa futbole
