Minzdaroŭja
V.a. ministra achovy zdaroŭja Dźmitryj Pinievič raspavioŭ ab situacyi z zachvorvańniem na karanavirus u roznych abłaściach krainy. «Napeŭna, na piku užo Hrodzienski rehijon i, budziem spadziavacca, Minski rehijon. Piki hetyja dosyć vysokija. Praciahvajuć pryrastać Homiel, Viciebsk i Mahiloŭ. A najbolš pavolna pryrastaje Bresckaja vobłaść», — skazaŭ Pinievič u prahramie «Hałoŭny efir» na telekanale «Biełaruś 1», piša Tut.by.
Adstavańnie Bresckaj vobłaści ad astatnich čynoŭnik źviazvaje z tym, što tam paźniej zaviaršyłasia pieršaja chvala karanavirusa.
— Zakony epidemičnaha pracesu nichto nie admianiaŭ: rehijony, jakija viasnoj «nie adyhrali» ŭ poŭnaj miery, startavali raniej pa vosieni. Tyja, chto byli ŭ bolšaj stupieni, jak Viciebski i Brescki rehijony, paźniej ustupili ŭ druhuju chvalu. Usio heta ŭkładajecca ŭ našy prahnozy, — rastłumačyŭ kiraŭnik Ministerstva achovy zdaroŭja.
Dźmitryj Pinievič taksama raspavioŭ, što maski biełarusam daviadziecca nasić, pakul nie skončycca epidpraces.
- Masačny režym i sacyjalnaje dystancyjavańnie pavinny vykonvacca da zaviaršeńnia epidemičnaha pracesu, jak minimum da pačatku, tak skažam, padzieńnia ŭzroŭniu zachvorvańnia. A ŭ cełym, moža, da červienia, — skazaŭ na zakančeńnie jon.
