Čatyrochkratnaja alimpijskaja čempijonka Darja Domračava raskazała pra toje, dzie žyvie ich z Ule Ejnaram Bjorndalenam siamja, a taksama pra rašeńnie zaviaršyć spartyŭnuju karjeru.
«Składana skazać, dzie pravodzim času bolš za ŭsio na hety momant. Napeŭna, pakul u pierajezdach i padarožžach. Šmat pravodzim času ŭ Minsku, bližej da zimovaha siezona čaściej byvajem u Narviehii. Viadoma, byvajem i ŭ Manaka — takoje rašeńnie prymaje Ule. My jak siamja idziom za mužčynam. Niejki pieryjad, mahčyma, pažyviom i tam.
Čamu ja nie Darja Bjorndalen? Naša viasielle adbyłosia ŭ toj čas, kali ja była dziejučaj spartsmienkaj — dla mianie było nieaktualna źmianiać proźvišča, kali ja płanavała jašče vystupać. Nie viedaju, moža być, heta źmienicca.
Pierad tym, jak abjavić pra zaviaršeńnie karjery, ja patelefanavała Łukašenku. Pa-pieršaje, tamu što chaciełasia, kab pra takoje majo rašeńnie prezident daviedaŭsia nie z presy.
Na praciahu ŭsich hadoŭ majoj spartyŭnaj karjery jon sačyŭ za ŭsimi vystupami i viedaŭ, što ja znachodžusia ŭ rozdumach nakont zakančeńnia karjery. Paličyła, što heta narmalny ŭčynak — patelefanavać, paviedamić pra takoje rašeńnie.
U toj momant u jaho byli spravy važniejšyja, tak što ja pieradała hetuju navinu praz pres-sakratara. Jon nie pieratelefanoŭvaŭ, nie sprabavaŭ uhavaryć zastacca. Ale spadziajusia, što pastaviŭsia z pavahaj i razumieńniem», — skazała Domračava ŭ efiry «Matč TV».