Мяркуючы па ўсім, 50-гадовы грузавік да апошняга быў у страі і знаходзіўся ў пажарнай частцы Жыткавіч. Аўтацыстэрну прадаюць за 23600 рублёў (каля 7500 долараў). Аўтамабіль мае 50,5 тысяч км прабегу і знос 90 працэнтаў. Знаходзіцца ў Гомелі.
Для Беларусі, вядома, экзэмпляр цікавы, але не ўнікальны. У МНС працавалі, а магчыма, яшчэ і працуюць і больш старыя пажарныя Mercedes-Benz L1113. Напрыклад, у Віцебску гэта грузавік 1966 года выпуску.
Грузавік Mercedes-Benz 1113 і 1973 года выпуску быў сфатаграфаваны і ў пажарнай частцы горада Маладзечна. Фота апублікаваў партал Mlyn.by.
Як адзначалася, у аўтамабілі стаяць арыгінальны рухавік і пажарная помпа.
Аўтамабілі Mercedes-Benz L1113 выпускаліся з 1959 да 1984 года. Як яны трапілі ў Беларусь? У 1990-я гады супрацоўніцтва паміж Беларуссю і гарадамі-пабрацімамі ў Еўропе было вельмі шчыльным, і розныя асацыяцыі пажарных-выратавальнікаў перадалі краіне нямала старой, але працаздольнай тэхнікі. Некаторыя ўзоры працуюць і да гэтага часу. Але сёе-тое, як відаць, ужо мае знос 90 працэнтаў і выстаўляецца на таргі.
Чытайце таксама:
У Санкт-Пецярбургу зноў згарэў аўтобус МАЗ
У Жодзіне дзверы аўтобуса заціснулі футра пенсіянеркі, яна загінула
