Жанчына ў Хоцімску пашкодзіла пярэднія дзверы, капот і правае пярэдняе крыло ў чужым аўтамабілі. Як паведамілі ў абласным упраўленні дэпартамента аховы МУС, пры спробе збегчы яе праз пяць хвілін затрымалі мясцовыя сілавікі.
Познім вечарам нарад групы затрымання знаходзіўся на маршруце патрулявання ў Хоцімску. Пачуўшы з двара крыкі, праваахоўнікі накіраваліся туды. Да іх звярнуўся мужчына і распавёў, што некалькі хвілін таму невядомая яму жанчына нагой пашкодзіла яго машыну «Мазда».
Па прыкметах недалёка ад месца здарэння — каля кафэ — падазраваную затрымалі. 27-гадовая правапарушальніца з'яўляецца грамадзянкай Расіі. Супраць яе распачалі крымінальную справу за хуліганства.
0
0
0
0
0
0
