Фота: прэс-служба МУС
Раніцай 20 красавіка ў Зэльве ва ўласным доме знойдзены целы 46-гадовага мужчыны і яго 83-гадовай маці без відавочных прыкмет гвалтоўнай смерці. Таксама падчас агляду жылля ўстаноўлена знікненне сейфа і мабільнага тэлефона, паведамляе прэс-служба міліцыі.
Аператыўнікі высветлілі, што да крадзяжу датычны 28-гадовы мясцовы жыхар. З яго слоў, ён прыйшоў дадому да знаёмага пазычыць грошай, аднак знайшоў яго і маці мёртвымі. Тады малады чалавек забраў з сабой сейф і мабільны тэлефон.
Дома ён узламаў металічную скрыню, у якой знаходзілася 20 тысяч рублёў і дзве тысячы даляраў. Каля паловы гэтай сумы патраціў на азартныя гульні, паездкі на таксі, алкаголь і раздачу даўгоў, астатняе ў яго забралі.
Першапачаткова сваю віну ў забойстве малады чалавек адмаўляў. Аднак потым яго дачыненне да злачынства ўдалося ўстанавіць.
Чытайце таксама:
У Фаніпалі мужчына пайшоў на прагулку з пяцігадовым сынам, а вярнуўся адзін
У Маладзечне пажылая пара жорстка забіла зяця малатком. Цешча паспела збегчы з краіны
