Žančyna ŭ Chocimsku paškodziła piarednija dźviery, kapot i pravaje piaredniaje kryło ŭ čužym aŭtamabili. Jak paviedamili ŭ abłasnym upraŭleńni departamienta achovy MUS, pry sprobie źbiehčy jaje praź piać chvilin zatrymali miascovyja siłaviki.
Poźnim viečaram narad hrupy zatrymańnia znachodziŭsia na maršrucie patrulavańnia ŭ Chocimsku. Pačuŭšy z dvara kryki, pravaachoŭniki nakiravalisia tudy. Da ich źviarnuŭsia mužčyna i raspavioŭ, što niekalki chvilin tamu nieviadomaja jamu žančyna nahoj paškodziła jaho mašynu «Mazda».
Pa prykmietach niedaloka ad miesca zdareńnia — kala kafe — padazravanuju zatrymali. 27-hadovaja pravaparušalnica źjaŭlajecca hramadziankaj Rasii. Suprać jaje raspačali kryminalnuju spravu za chulihanstva.
0
0
0
0
0
0
