Фота ілюстрацыйнае
«Першае пагадненне, заключанае Расійскім саюзам аўтастрахоўшчыкаў (РСА) у рамках сістэмы «Сіняя карта» з беларускім бюро па транспартным страхаванні (ББТС) пачало дзейнічаць у поўным аб'ёме», — гаворыцца на сайце РСА.
Раней, з 30 чэрвеня 2023 года, беларусы і расіяне страцілі магчымасць афармляць міжнародныя полісы «Зялёная карта» праз тое, што было прыпынена сяброўства РСА і ББТС у адпаведным пагадненні. Цяпер часова, да 1 студзеня 2024 года, пры заключэнні дамовы «Сіняй карты» будуць выдаваць бланкі «Зялёнай карты», а затым з'явяцца новыя дакументы.
Таксама, паводле новых правілаў, асноўнай валютай разліку будзе нацыянальная валюта краіны, у якой адбылося ДТЗ.
Пасля выключэння Беларусі і Расіі з сістэмы «Зялёная карта» беларускія страхавыя кампаніі заключылі двухбаковыя пагадненні з трыма краінамі аб працягванні тэрміну «зялёных картаў» яшчэ на год — да 28 чэрвеня 2024 года. Па гэтых страхоўках на асабістым аўто можна паехаць у Расію, Азербайджан і Турцыю.
Чытайце таксама:
Падпісаны ўказ аб міжнародным аўтастрахаванні. Што змянілася?
Беларусы змогуць выкарыстоўваць «Зялёную карту» і пасля 30 чэрвеня. Але толькі для паездак у Расію
