Da baškirskaha śpievaka, jaki zaklikaŭ žycharoŭ nacyjanalnych respublik Rasii vyjści na pratesty, pryjšli siłaviki 2

Ałtynaj Valitaŭ

U videa, apublikavanym u storyz u čaćvier viečaram, Valitaŭ paprasiŭ usich nieabyjakavych žycharoŭ pryjści da jaho doma i nazvaŭ svoj adras u Demskim rajonie Ufy. Śpiavak taksama paprasiŭ zdymać na videa dziejańni palicejskich, kab jany «nie ździajśniali niepravamiernych dziejańniaŭ».

Paźniej Valitaŭ paviedamiŭ, što siłaviki syšli, i padziakavaŭ adnadumcam za padtrymku. Paśla hetaha storyz sa zvarotam źnikła ź jahonaha akaŭnta.

Paśla prysudu, vyniesienaha 17 studzienia baškirskamu aktyvistu Failu Ałsynavu (jamu dali 4 hady kałonii) Valitaŭ apublikavaŭ u instahramie videa z zaklikam da žycharoŭ Baškartastana i inšych respublik, jakija ŭvachodziać u skład Rasii, vyjści 19 studzienia na akcyi ŭ padtrymku Ałsynava. Jašče adzin videarolik, jaki razyšoŭsia pa baškirskich pablikach, zapisaŭ stvaralnik razumnaj kałonki na baškirskaj movie Ajhiz Kunafin, jon taksama zaklikaŭ žycharoŭ respubliki vyjści na akcyju pratestu 19 studzienia.

Palicyja Baškartastana ŭžo pryhraziła patencyjnym udzielnikam akcyj pratestu kryminalnymi spravami. U respublicy nazirajucca pieraboi ŭ pracy Telegram i WhatsApp.

Čytajcie taksama:

«Fih vam, a nie jajki! Viarnicie pieŭniaŭ z frontu!» Kiraŭnika ŭźbiekskaha ziamlactva ŭ Rasii pieraśledujuć za heta vykazvańnie

U čym sapraŭdnaja pryčyna maštabnaha pratestu ŭ Baškartastanie

Praciahvajucca supraćstajańni ŭ Baškiryi. Siłaviki ŭžyli ślezaciečny haz, pratestoŭcy zakidvajuć ich śnieham

Napiaredadni vyniasieńnia prysudu baškirskamu aktyvistu staŭ niedastupny kanał, jaki aśviatlaŭ pratesty ŭ Baškiryi

Tysiačy baškiraŭ sabralisia kala suda padtrymać svajho nacyjanalnaha aktyvista

0

1

1

0

1

25

Nashaniva.com