Namieśnik staršyni Ruchu «Za svabodu» Juraś Hubarevič havaryŭ, što ŭ novuju kaalicyju «Biełaruski niezaležnicki błok» buduć zaprošanyja AHP i KCHP‑BNF.
Ci źbirajecca AHP dałučacca da hetaha ŭtvareńnia, my zapytalisia ŭ lidera partyi Anatola Labiedźki.
«Nijakich aficyjnych zaprašeńniaŭ u majoj pošcie niama. Ja absalutna spakojna staŭlusia da roznych novych kaalicyj. Pry hetym ja vystupaju za šyrokuju kaalicyju prychilnikaŭ pieramienaŭ. Kaalicyi pravych, levych, centrystaŭ dobryja ŭ demakratyčnych krainach. U nas ža siońnia i nacyjanał‑demakraty, i libierały, i kamunisty znachodziacca ŭ adnoj kletcy. Da čaho pryviadzie taki razład? Što my pa‑raniejšamu budziem znachodzicca ŭ toj kletcy, a za nami budzie sačyć vusaty nadhladčyk.
U demakratyčnym parłamiencie bolšych antahanistaŭ za AHP i PKB budzie nie znajści, ale siońnia nas abjadnoŭvaje ahulnaja meta. Absalutna nie razumieju, što našaj partyi moža dać hetaja pravaja kaalicyja.Što možam joj dać my, ja dakładna viedaju. Viedaju, što my možam dać i pravamu, i levamu łahieru. ADS — heta ŭsio ž sinica ŭ rukach, a roznyja tam kaalicyi — žuraviel u niebie.
Pry dalejšaj palaryzacyi pravych i levych nie vyklučaju, što AHP pojdzie na chaŭrus z pradprymalnikami. Heta ideałahična blizkija nam ludzi, i nijakich prablem być nie pavinna».
