TASS
Raźviazka hrupy B vydałasia vielmi cikavaj. Kab atrymać šancy na vychad u płej-of, Danii treba było abaviazkova pieramahać u Rasii i zabivać jak maha bolš. I skandynavy ŭ Kapienhahienie praviali šykoŭny matč, razhramiŭšy supiernikaŭ.
Bielhija ŭ paralelnaj hulni pieramahła Finlandyju. Naminalna najsłabiejšaja kamanda hrupy doŭha zmahałasia z favarytam, ale ŭsio ž prajhrała.
U vyniku ŭ troch kamand atrymałasia pa try nabranyja bały, i vynikovyja miescy vyznačylisia pa roźnicy miačoŭ u matčach pamiž hetymi zbornymi. Najhoršaja pazicyja akazałasia ŭ Rasii — jana vylataje. Finy zajmajuć treciaje miesca ŭ hrupie i ź vialikaj vierahodnaściu taksama bolš na Jeŭra nie zhulajuć. Danija prachodzić dalej.
Taksama ŭ płej-of vychodzić zbornaja Uelsa, jakaja zaniała treciaje miesca ŭ hrupie A. Ale ŭ valijcaŭ bolš nabranych bałaŭ, čym va Ukrainy i Finlandyi.
