RBK
Z 20 červienia ŭ fan-zonu Jeŭra na Kaniušannaj płoščy puściać da 3000 čałaviek, na terytoryju tematyčnaha parku ŭ «Jubilejnym» — da 1000 čałaviek.
Z 21 červienia buduć začynienyja akvaparki i atrakcyjony.
Na mierapryjemstvy kolkaściu bolš za 75 čałaviek buduć puskać tolki z admoŭnym testam na COVID, limit pa kolkaści naviedvalnikaŭ — 500.
Z 22 červienia vodny transpart zmoža pracavać tolki «pry ŭmovie aktualizacyi pieravozčykami standartu biaśpiečnaj dziejnaści».
Hubiernatar taksama abviaściŭ pra ŭviadzieńnie abaviazkovaj vakcynacyi dla dziaržsłužačych. Da 15 žniŭnia antycieły da karanavirusa pavinny być u 65% supracoŭnikaŭ. VNU rekamiendavana pravieści mierapryjemstvy pa stymulavańni vakcynacyi siarod studentaŭ.
Na śviata «Punsovyja vietrazi» ŭ Pieciarburhu puściać tolki vypusknikoŭ i supracoŭnikaŭ mierapryjemstva. U horadzie budzie stvorana biaśpiečnaja sanitarnaja zona, u jakuju ŭvojduć Pałacavaja płošča i nabiarežnyja.
Na čas praviadzieńnia śviata ŭ centry Pieciarburha zabaroniać pracu mahazinaŭ i kafe. «Nazvanyja abmiežavańni nie zakranuć asobnyja abjekty, jakija vyznačyć arhkamitet praviadzieńnia «Punsovych vietraziaŭ», u tym liku arhanizacyi hramadskaha charčavańnia. Taksama nie dapuskajecca znachodžańnie fizičnych asob na dachach budynkaŭ u miežach hetaj terytoryi», — paviedamili ŭłady.
Na hetym tydni sutačny pryrost u Pieciarburhu dasiahnuŭ maksimalnaha ź lutaha ŭzroŭniu. Pavodle źviestak apieratyŭnaha štaba, 19 červienia ŭ horadzie vyjavili 996 čałaviek z COVID-19. Taksama padskočyła śmiarotnaść. Napiaredadni ŭ Pieciarburhu zarehistravali 79 śmiarotnych vynikaŭ. Stolki ž śmierciaŭ apošni raz fiksavali 21 studzienia.
