«Jość dośvied budaŭnictva hetych aharodžaŭ, ale taksama jość i peŭnyja, mahčyma, niekaviencyjnyja rašeńni, tamu ŭsie jany pavinny być razhledžany, ale kali chtości ciapier ujaŭlaje, što ŭrad ustaluje płot ad adnaho punktu miažy Litvy da inšaj, to dakładna takoha nie budzie, pakolki b prosta patracili čas, a prablemy treba vyrašać ciapier», — zajaviła žurnalistam u čaćvier kiraŭnik urada ŭ siejmie.
U sieradu kiraŭnik MUS Ahnie Biłatajcie zajaviła ŭ intervju LRT, što ministerstva i inšyja viedamstvy razhladajuć mahčymaść ustalavańnia aharodžy na miažy ź Biełaruśsiu, košt moža dasiahać 15 młn jeŭra.
Praciahłaść miažy Litvy ź Biełaruśsiu składaje 678,8 km, ciapier aharodža ŭstanoŭlena na ŭčastku ŭ 78 km, sistema videanazirańnia pakryvaje 39% praciahłaści miažy.
