Toj, chto abraŭ na minułych vychadnych prahladu Jeŭra-2020 ajčynny futboł, naŭrad ci byŭ rasčaravany: 12 tur akazaŭsia davoli bahatym na zabityja miačy i nie prajšoŭ bieź niečakanych vynikaŭ.
- «Słavija» — «Minsk» 1:2 (38, Mielnikaŭ — 7, 74, Łopies)
- «Enierhietyk-BDU» — «Homiel» 3:2 (45+3, Musachanian; 54, Hirs; 83, U. Vasiljeŭ — 7, Pabudziej; 33, Sałaviej)
- «Smarhoń» — «Słuck» 1:1 (73, Koviel — 25 (ah), Štyhiel)
- «Spadarožnik» — «Dynama-Minsk» 0:5 (7, Klimovič; 55 (p), 61, 64, Mbienh; 65, Chvaščynski)
- BATE — «Nioman» 3:0 (14, Niachajčyk; 76, Skavyš; 83, Sihnievič)
- «Šachcior» — «Viciebsk» 2:0 (10, Sačyŭka; 81 (ah), Sezar)
- «Isłač» — «Dynama-Brest» 1:1 (55, Kamaroŭski — 89, Bieleńki)
- «Ruch» — «Tarpieda-BiełAZ» 3:0 (68, Kancavy; 83, Sadoŭski; 90+3, Bakaj)
TURNIRNAJA TABLICA
«Homiel» znoŭ akazaŭsia ŭ mienšaści pa chodu matču, ale adrazu paśla vydaleńnia Sajčyča zrabiŭ lik 2:0. Ale matč z «Enierhietykam» pajšoŭ zusim pa inšym scenary, čym hulnia tydzień tamu suprać «Minska» — «studenty» nie tolki zdoleli adhulacca, ale i nanieśli «Homielu» treciuju parazu ŭ siezonie.
Fota: FK «Homiel».
«Słuck» zhubiŭ bały ŭ Smarhoni, ale ŭličvajučy, jak niaŭdała słuččaki hulajuć nie doma, siensacyjaj heta nie nazavieš. Kankurenty «Smarhoni» za vyžyvańnie, rečycki «Spadarožnik», pierad chatniaj publikaj byli razhromlenyja minskim «Dynama» z trenieram-debiutantam Arciomam Čaladzinskim — vydatny zadzieł, kab chutka pazbavicca prystaŭki «vykanaviec abaviazkaŭ» i stać sapraŭdnym hałoŭnym trenieram.
Lidary tablicy ŭpeŭniena vyjhrali svaje matčy, pahłybiŭšy kryzis «Niomana» i žodzinskaha «Tarpieda», a bresckaje «Dynama» znoŭ straciła turnirnyja bały.
Takim byŭ minuły tur. A ciapier da matčaŭ 13 tura, jaki startuje ŭ čaćvier.
«Minsk» — «Enierhietyk»
- 17.06, 18:00. Minsk, stadyjon «Traktar»
- Kaeficyjenty: «Minsk» (pieramoha) — 2.78; ničyja — 3.42; «Enierhietyk» (pieramoha) — 2.33.
Minskaje derbi i matč susiedziaŭ pa tablicy. Dziakujučy trom pieramoham, «Enierhietyk» zmoh padniacca na dziaviaty radok i ŭ vypadku praciahu paśpiachovaj sieryi padymiecca ŭ pieršuju pałovu tablicy, jakuju jakraz zamykaje «Minsk».
«Nioman» — «Słavija»
- 17.06, 20:00. Hrodna, CSK «Nioman»
- Kaeficyjenty: «Nioman» (pieramoha) — 1.59; ničyja — 3.96; «Słavija» (pieramoha) — 5.00.
Dźvie samabytnyja kamandy pravalili start siezonu i znachodziacca ŭ nižejšaj častcy tablicy. Nižej za «Słaviju» i «Nioman» — tolki navički lihi.
Fota: FK «Nioman».
U 12 turach «Nioman» zdoleŭ vyjhrać usiaho adnojčy, ale bukmiekiery vysoka aceńvajuć šancy haradziencaŭ na pieramohu. Mahčyma, pryčyna takoj roźnicy kaeficyjentaŭ chavajecca ŭ dalokim vyjeździe: ad Mazyra da Hrodna — amal 500 kiłamietraŭ. Cikava, u jakoj formie budzie «Słavija» paśla takoha padarožža, pryčym u śpioku.
«Słuck» — «Šachcior»
- 18.06, 18:00. Słuck, stadyjon «Haradski»
- Kaeficyjenty: «Słuck» (pieramoha) — 8.20; ničyja — 4.45; «Šachcior» (pieramoha) — 1.36.
Na hetym tydni «Šachcior» daviedaŭsia, z kim budzie hulać u pieršym raŭndzie kvalifikacyi Lihi Čempijonaŭ. Žerabia akazałasia nie vielmi miłasernym i vydała krepki bałharski «Łudahorac», jaki letaś pakinuŭ biez vosieńskaj častki jeŭrakubkaŭ bresckaje «Dynama».
Z prycełam na mižnarodnyja matčy «Šachcior» ładzić najkaraciejšy vyjezd da hieahrafičnych susiedziaŭ pa trynaccatuju pieramohu. «Słuck» niabłaha hulaje doma i moža zładzić siensacyju, ale, zdajecca, nie na hety raz.
«Dynama-Brest» — «Smarhoń»
- 18.06, 20:00. DASK «Brescki»
- Kaeficyjenty: «Dynama» (pieramoha) — 1.33; ničyja — 4.80; «Smarhoń» (pieramoha) — 8.20.
U bieraściejcaŭ jość dobraja mahčymaść pierarvać svaju sumnuju sieryju bieź pieramoh, što adkinuła «Dynama» ŭ siaredzinu tablicy. U minułym tury mahła zdarycca treciaja zapar paraza, ale dziakujučy hołu lehijaniera Bieleńkaha, «Dynama» źviezła z Maładziečna adzin bał.
Bieraściejcaŭ taksama čakajuć jeŭrakubki. U Lizie Kanfierencyj «Dynama» trapiłasia češskaja «Viktoryja», dobra viadomaja tym, chto sočyć za jeŭrakubkami. Kali Brest projdzie čechaŭ, heta budzie vialikaj siensacyjaj.
«Viciebsk» — «Ruch»
- 19.06, 14:45. CSK FK «Viciebsk»
- Kaeficyjenty: «Viciebsk» (pieramoha) — 3.50; ničyja — 3.24; «Ruch» (pieramoha) — 2.05.
«Viciebsk», jak i 11 kamand da siabie, nie zmoh adabrać bały ŭ «Šachciora» i źjechaŭ z Salihorska ni z čym. Ciapier u Viciebsk jedzie jašče adzin biełaruski top — «Ruch», jaki nabraŭ vydatny chod.
Jak my i anansavali, Alaksandr Najok padpisaŭsia z bresckaj kamandaj i uzmacniŭ siaredniuju liniju «Rucha». Ale hulać za novy kłub ukrainiec pakul nie zmoža, bo jašče nie adkryłasia akno dazajavak.
«Homiel» — «Isłač»
- 19.06, 16:45. Homiel, stadyjon «Centralny»
- Kaeficyjenty: «Homiel» (pieramoha) — 1.65; ničyja — 4.10; «Isłač» (pieramoha) — 4.333.
Hamielčuki kryŭdna astupilisia ŭ hulni z «Enierhietykam» i jašče stracili Łazara Sajčyča. Sierb, jaki nabraŭ vydatnuju formu, atrymaŭ pramuju čyrvonuju kartku i budzie vymušany prapuścić jak minimum hulniu z «Isłačču».
Jak pišuć spartovyja ŚMI, «Homiel» choča padpisać byłoha forvarda zbornaj Biełarusi Antona Saroku, ź jakim raźvitaŭsia BATE. Barysaŭski etap karjery akazaŭsia dla Saroki niaŭdałym, mahčyma, u Homieli jon zdoleje pierazapuścić svaje najlepšyja futbolnyja zdolnaści.
«Tarpieda-BiełAZ» — «Spadarožnik»
- 19.06, 18:45. Žodzina, stadyjon «Tarpieda»
- Kaeficyjenty: «Tarpieda» (pieramoha) — 1.194; ničyja — 6.20; «Spadarožnik» (pieramoha) — 12.00.
U apošnich piaci turach letašni bronzavy pryzior lihi zdabyŭ tolki adnu pieramohu. Žodzincy pakul tolki dziasiatyja, i matč suprać apošniaj kamandy tablicy bačycca čarhovaj mahčymaściu pačać ratavańnie siezonu.
Jak piša partał Football.by, u rečyckaj kamandy nazirajucca vialikija finansavyja prablemy. Rasijski trenier Kumykoŭ bolš nie ŭ kłubie, jak i forvard ź Nikarahua Aryjahnier Śmit, jaki zdabyŭ dla «Spadarožnika» adzinuju pieramohu. Žurnalisty prahnazujuć, što kłub naohuł moža nie dahulać siezon. Budziem sačyć za situacyjaj u Rečycy.
«Dynama-Minsk» — BATE
- 19.06, 20:45. Minsk, stadyjon «Dynama»
- Kaeficyjenty: «Dynama» (pieramoha) — 2.57; ničyja — 3.48; BATE (pieramoha) — 2.47.
Druhi matč Arcioma Čaladzinskaha na čale «Dynama» — i adrazu biełaruskaje «kłasika». Ale i dla jaho kalehi Žukoŭskaha heta budzie pieršy taki matč u karjery.
Na stadyjonie «Dynama» padčas Jeŭra ładziać fan-zonu, i ŭ subotu ŭviečary zamiest matčaŭ top-turniru budzie biełaruski futboł. Matčy minskaha «Dynama» i BATE — heta viaršynia našaha futboła, tamu sumna nie budzie.
Bukmiekierskaja kantora Marafon prapanuje novym klijentam BONUS 10 rub «Biasprojhryšnaja pieršaja staŭka» pa promakodu 10BYN pry rehictracyi na sajcie marathonbet.by.
Heta vydatnaja mahčymaść zrabić prahlad matča lubimaj kamandy jašče bolš zachaplalnym! Usie detali bonusnaj prapanovy čytajcie tut.
Marafonbiet źjaŭlajecca najbujniejšym bukmiekieram u Biełarusi pa kolkaści kas (Licenzija № 33120/171, vydadzienaja MPZ RB) i pradstaŭleny ŭ 21 horadzie krainy.
Śpis adrasoŭ kas
