Partuhalcy abyhrali ź likam 0:3 zbornuju Vienhryi.
Na 84 chvilinie Hierejru padstroiŭsia pad adzin adskok i praz druhi rykašet zavaliŭ miač u kut.
Na 87 chvilinie Ranałdu realizavaŭ pienalci.
Na 92 chvilinie Ranałdu zabiŭ jašče raz.
Dla Kryšcijanu Ranałdu hulnia ź Vienhryjaj stała 22-j u finalnych stadyjach čempijanataŭ Jeŭropy, što źjaŭlajecca rekordam. Futbalist staŭ adzinym, kamu ŭdałosia zhulać na piaci čempijanatach Jeŭropy za karjeru — 2004, 2008, 2012, 2016 i 2020 hadoŭ. U 2016 hodzie zbornaja Partuhalii stała čempijonam Jeŭropy.
Akramia taho, padčas ciapierašniaj sustrečy forvard zabiŭ 11-y miač na kantynientalnym turniry, pabiŭšy rekord francuza Mišela Płacini pa kolkaści hałoŭ u historyi spabornictvaŭ.
U nastupnaj hulni zbornaja Francyi abyhrała Niamieččynu — 1:0.
Na 20 chvilinie niemcy nie vytrymali atakavalnaj 5-chvilinki čempijonaŭ śvietu. Pahba vyrazaŭ vydatny pas na Ernandesa, prastreł jakoha moh dajści da Mbappie, ale nie dajšoŭ — Chummiels aformiŭ aŭtahoł.
Na matčy zdaryŭsia i kurjoz — na pole pryziamliŭsia parašutyst. Heta byŭ aktyvist Greenpeace.
