Paŭabaronca zbornaj Danii Kryścijan Eryksan znachodzicca ŭ stabilnym stanie i zastaniecca ŭ balnicy dla dalejšych abśledavańniaŭ. Pra heta paviedamlaje pres-słužba futbolnaha sajuza Danii, piša RBK.
«Siońnia ranicaj my pahavaryli z Kryścijanam, jon pieradaŭ słovy padtrymki partnioram pa kamandzie. Jaho stan stabilny, jon zastaniecca ŭ balnicy dla dalejšych daśledavańniaŭ», — havorycca ŭ paviedamleńni fiederacyi.
Kryścijan Eryksan straciŭ prytomnaść na 43-j chvilinie pieršaha tajma matču Danija — Finlandyja. Na toj momant lik u hulni byŭ 0: 0. Paŭabaroncu akazvali miedycynskuju dapamohu kala 20 chvilin, paśla čaho zabrali z pola na nasiłkach. Paźniej UEFA paviedamiŭ, što futbalist znachodzicca ŭ balnicy ŭ śviadomaści i stabilnym stanie.
Z-za incydentu z Eryksienam hulnia była pierapynienaja. Hulcy abiedźviuch kamand syšli ŭ raspranalni. Matč byŭ adnoŭleny tolki praz hadzinu.
Adziny hoł u matčy byŭ zabity na 59-j chvilinie finskim napadajučym Joelem Pachjanpała. Zbornaja Finlandyi atrymała svaju pieršuju ŭ historyi pieramohu ŭ finalnaj častcy čempijanatu Jeŭropy. Eryksan byŭ pryznany najlepšym hulcom matču.
Chto taki Kryścijan Eryksan, jaki straciŭ prytomnaść na Jeŭra?
