Jaŭhien Ziałkoŭski. Fota: «Mocnyja naviny»
Na łavie padsudnych — 31-hadovy Jaŭhien Ziałkoŭski. Spačatku jaho vinavacili ŭ asabliva złosnym chulihanstvie pa č. 3 artykuła 339 KK RB, za što praduhledžanaja kryminalnaja adkaznaść u vyhladzie pazbaŭleńnia voli až da 10 hod, potym artykuł źmianili na častku 2.
Sud adbyvajecca ŭ zakrytym režymie.
Spravu razhladaje sudździa Alesia Osipava.
Mužčynu abvinavačvajuć u tym, što vosieńniu minułaha hoda jon dvojčy ŭstaloŭvaŭ u biaźludnych miescach nacyjanalnyja ściahi, raźmiaščajučy pablizu skrynki, jakija možna było pryniać za vybuchovyja pryłady. Nasamreč u skrynkach znachodzilisia para padšypnikaŭ, pustaja pietarda i karykatura na AMAP.
Siońnia ŭ sudzie Centralnaha rajona Homiela adbylisia sudovyja sprečki.
U dziejańniach Ziałkoŭskaha, na dumku prakurora, bačycca namier na hrubaje parušeńnie hramadskaha paradku: svaje ściahi i pryłady jon ustaloŭvaŭ dvojčy, vybiraŭ dla hetaha niadzielnyja dni, to-bok dni, kali pravodzilisia «niezakonnyja mitynhi».
Bok abvinavačvańnia ličyć, što vina Jaŭhiena Ziałkoŭskaha dakazanaja całkam. Prakuror zapytaŭ dla jaho pakarańnie ŭ vyhladzie čatyroch hadoŭ pazbaŭleńnia voli ŭ papraŭčaj kałonii ahulnaha režymu.
