Fota Nadziei Bužan
Roŭna hod tamu, 12 maja 2020 hoda, Viktar Babaryka zajaviŭ, što budzie bałatavacca ŭ prezidenty. I tady pačała farmiravacca jaho kamanda. 18 červienia Viktar i Eduard Babaryki byli zatrymanyja.
«12 maja, hod tamu ja pryniała samaje važnaje rašeńnie ŭ maim žyćci. Razumiejučy ŭsie ryzyki i vysokuju vierahodnaść, što ja apynusia tam, dzie ja zaraz — ja z radaściu stała častkaj kamandy Viktara Dźmitryjeviča. Ni na siekundu nie škaduju ab svaim rašeńni i ciapier», — piša Maryja.
«Hety hod akazaŭsia samym składanym i samym ščaślivym u maim žyćci. Razumieju, jak dziŭna heta hučyć ad čałavieka z turmy. Ale zdabyła ja našmat bolš, čym straciła: unikalny vopyt, drajv nievierahodny, masu novych viedaŭ i ŭmieńniaŭ (naprykład, raniej ja nikoli nie viała strym, nie pisała 170 listoŭ u miesiac, nie biehała kožny dzień i nie čytała tak šmat dobrych knih). Ja zdabyła ŭnutranuju svabodu i ščaście zastavacca saboj u luboj situacyi. Ale samy hałoŭny cud — heta nievierahodnyja biełarusy — Vaša padtrymka i luboŭ nadajuć kałasalnuju siłu! Ja ŭdziačnaja Viktaru Dźmitryjeviču, Edziku [Babaryku], Maksimu [Znaku], Illi [Saleju] i ŭsioj kamandzie — vy stali mnie, jak siamja, i ja ščaślivaja prajści hety šlach razam! Vialiki dziakuj za hety hod majoj siastry, tatu, rodnym i blizkim za padtrymku i stojkaść i biaźmiernuju luboŭ, jakaja i jość maja abarona!», — napisała Maryja Kaleśnikava.
