Takija razychodžańni vyklikali roznyja dadumki: maŭlaŭ, statystyku pierapisvajuć, ci nie sproba heta schavać achviary ad karanavirusa?
Nasamreč pryčyna ŭ inšym — statystyku abnavili paśla apracoŭki źviestak pierapisu nasielnictva. Toje ž było i paśla pierapisu ŭ 2009 hodzie: u 2011-m, kali vyniki byli całkam hatovyja, ličby za papiaredniaje dziesiacihodździe karektavalisia.
«Heta standartnaja pracedura, mižnarodnaja praktyka. Słužby inšych krain taksama zajmajucca retraśpiektyŭnymi pieralikami demahrafičnych pakazčykaŭ za mižpierapisny pieryjad. I nie tolki demahrafičnych, a taksama tych, jakija vykarystoŭvajucca na dušu nasielnictva. Jość mietadałahičnyja ŭkazańni pa pieraliku, tam składanaja formuła», — prakamientavali «Našaj Nivie» ŭ hałoŭnym upraŭleńni demahrafičnaj statystyki i pierapisu nasielnictva Biełstata.
Adkul ža tady biarucca ličby, jakija apieratyŭna dajuć štohod? Biełstat tłumačyć padychod: da źviestak, atrymanych padčas pierapisu, dadajuć źviestki z ZAHSaŭ i MUS. To-bok plusujuć narodžanych i pryjechaŭšych, adymajuć pamierłych i źjechaŭšych. Ale pakolki miežy z Rasijaj, naprykład, adkrytyja, ličba pa mihracyi niedakładnaja. Adsiul mahčyma razychodžańnie ŭ apieratyŭnych źviestkach i tych, što dajuć paśla pierapisu.
