Urad ZŠA abviaściŭ nadzvyčajnaje stanovišča paśla kibierataki na adzin z najbujniejšych trubapravodaŭ u ZŠA Colonial Pipeline.
Adznačajecca, što prezident Džo Bajden moža zadziejničać šerah nadzvyčajnych paŭnamoctvaŭ, kab harantavać, što paliva, transparciroŭkaj jakoha zajmajecca Colonial Pipeline, praciahnie pastupać u bujnyja harady i aeraporty na ŭschodnim uźbiarežžy ZŠA, niahledziačy na adklučeńnie trubapravoda.
Pavodle ŚMI, ataka na Colonial była vyklikanaja kibierzłačynnaj hrupoŭkaj DarkSide, jakaja pranikła ŭ sietku Colonial u čaćvier i atrymała amal 100 HB danych. Zachapiŭšy infarmacyju, chakiery zabłakavali danyja na niekatorych kampjutarach i siervierach, zapatrabavaŭšy vykup. U vypadku niavypłaty chakiery pryhrazili ŭciečkaj danych.
Hrupu DarkSide ličać uschodniejeŭrapiejskaj. Ale prykmiet taho, što za atakaj stajali rasijskija ŭłady, niama.
