Pačałosia ŭsio z taho, što žančyna sustrełasia sa svajoj byłoj kalehaj, piša UUS Viciebskaha abłvykankama. Padčas razmovy taja stała pierakonvać, što viciablanku suročyli i pa starym znajomstvie paabiacała źniać suroki. Dla hetaha paprasiła prynieści srebny i załaty piarścionki.
Pa słovach «viaščuńni», kali padčas rytuału adzin ź ich źniknie, to abrad možna ličyć udałym. I załatoje ŭpryhažeńnie, dziakujučy sprytu ruk, apynułasia ŭ jaje kišeni.
Praz paru miesiacaŭ žančyny znoŭ sustrelisia, i machlarka znoŭ paviedamiła, što suroki pakul nie syšli. Dla kančatkovaj pieramohi nad imi treba macniejšy z mahičnaj punktu hledžańnia rytuał. Dla jaho spatrebiłasia jak minimum 2000 rubloŭ.
Viciablanka ŭziała hrošy ŭ kredyt. Machlarka raspaviała, što banknoty treba ŭnačy zakapać na mohiłkach i prapanavała svaju dapamohu za nievialikaje ŭznaharodžańnie.
Atrymaŭšy jašče źvierchu 200 rubloŭ, žančyna źnikła z hrašyma i bolš nie źjaŭlałasia. Paciarpiełaj ab padmanie raspaviali ŭžo apieratyŭniki.
Historyja adbyłasia amal try hady tamu, ale raskryłasia tolki ciapier. Padazravanuju zatrymali, raspačataja kryminalnaja sprava.
