Fota Depositphotos.com
Novaje pakaleńnie vakcyn u vyhladzie nazalnych sprejaŭ i tabletak, jakija raspracoŭvajuć amierykanskija farmakałahičnyja kampanii Sanofi, Altimmune i Gritstone Oncology, majuć vialiki patencyjał dla baraćby ź virusnymi varyjantami i pandemijaj u budučyni, paviedamlaje The Wall Street Journal.
Vakcyny ad kavidu, jakija isnujuć na siońniašni dzień, ciažka pieravozić, ich treba zachoŭvać pry nizkich tempieraturach i ŭvodzić dźviuma dozami.
Novyja vakcyny mohuć dapamahčy abyści hetyja abmiežavańni, što pavialičyć chutkaść vakcynacyi ŭ budučyni.
Pavodle SAAZ, ahułam u śviecie raspracoŭvajecca 277 vakcyn ad kavidu, 93 ź jakich prajšli vyprabavańni na ludziach. Bolšaść vakcyn ujaŭlajuć saboj injekcyju, adnak jość dva pieraralnyja preparaty i siem sprejaŭ dla nosa.
Ale takija preparaty pakul znachodziacca na rańniaj stadyi vyprabavańniaŭ, tamu, chutčej za ŭsio, jany mohuć stać dastupnymi nie raniej za kaniec 2021 hoda. Da taho ž, niama harantyj, što takija formy vakcyn paśpiachova projduć vyprabavańni.
Kampanija Altimmune raspracoŭvaje nazalny sprej, anałahičny vakcynie suprać hrypu FluMist ad AstraZeneca. Vakcyna zasnavanaja na vykarystańni adenavirusa, jaki vyklikaje imunny adkaz i vypracoŭvaje antycieły, što abaraniajuć ad realnaha virusa.
Nazalny sprej raspracoŭvajecca pa anałohii z vakcynami Johnson & Johnson i AstraZeneca. Ale nazalny sprej moža vyklikać nie tolki antycieły, ale i jašče adzin typ imunnaha adkazu, viadomy jak mukozny imunitet. Heta značyć, što abarona źjaŭlajecca jašče i ŭ ślizistaj abałonki, u vyniku čaho virus nie traplaje praz dychalnyja šlachi, a značyć vakcynavanyja ludzi nie zmohuć pieradać infiekcyju inšym.
Da siaredziny hoda kampanija čakaje vynikaŭ vyprabavańniaŭ na pieršaj stadyi.
Kampanija Vaxart raspracoŭvaje vakcynu ŭ vyhladzie tabletki. Pieršyja daśledavańni pakazali, što tabletka efiektyŭna zapuskaje imunnuju reakcyju ŭ arhaniźmie i maje vysoki patencyjał u abaronie ad štamaŭ virusa. Da siaredziny hoda pačniecca druhaja stadyja vyprabavańniaŭ.
