Pačuć novyja pieśni možna budzie na staronkach Alesia Dzianisava va «UKantakcie» i YouTube.
U albom uvajšli 14 piesień, napisanych na vieršy Uładzimira Karatkieviča. U adroźnieńnie ad papiaredniaha solnaha alboma na vieršy Alesia Čobata, tut možna budzie pačuć šerah instrumientaŭ. Naprykład, vijałančel, — raspavioŭ Hrodna.life Aleś Dzianisaŭ.
Nazva alboma «Leanidy viartajucca…» — adsyłka da ramana Uładzimira Karatkieviča «Nielha zabyć». Pieršapačatkova tvor mieŭ nazvu «Leanidy nie viernucca da Ziamli».
Leanidy — mieteorny patok, ci «zorny doždž», jaki možna nazirać u listapadzie.
«Kožnaja praca patrabuje niejkich psichałahičnych i fizičnych vysiłkaŭ. U naroda takoje staŭleńnie, što kali ty kapaješ rydloŭkaj, to ty pracuješ. A tut što? Sieŭ, pabrynčaŭ na hitarcy, potym štości tam napieŭ u mikrafon… Niaŭžo ž heta praca? Takoje staŭleńnie z-za adsutnaści adukavanaści».
Albom pisaŭsia ŭ dva etapy. Bolšaść pracy muzyka zrabiŭ u lutym 2020 hoda. Usio astatniaje dapisvałasia ŭ 2021 hodzie.
«Byŭ davoli vialiki pierapynak z-za šmatlikich pryčynaŭ. Šmat z taho, što zadumvałasia, nie realizavana. Iznoŭ ža — pa roznych subjektyŭnych i abjektyŭnych pryčynach. Ale heta u minułym. Atrymałasia inakš. I ja hetaj pracaj zadavoleny», — raspavioŭ Aleś Dzianisaŭ ab pracy nad albomam.
Daŭhabud i treci solnik
U dalejšych płanach Alesia Dzianisava zapis mini-alboma z hurtom DZIECIUKI i zaviaršeńnie «daŭhabuda» — druhoho alboma hurta «Ludzi na bałocie»: «Hurta niama i šmat čaho ŭžo nie budzie zroblena, ale navat z taho, što možna zrabić, atrymajecca niebłahi materyjał».
Taksama muzyka zadumaŭ treci solny albom — na vieršy hrodzienskich paetaŭ i paetak.
