Catholic.by supravadziŭ vinšavańnie takoj ilustracyjaj
U liście, adrasavanym Mitrapalitu Minskamu i Zasłaŭskamu Vienijaminu, Patryjaršamu Ekzarchu ŭsiaje Biełarusi, kiraŭnik biełaruskaha katalickaha jepiskapatu piša:
Vaša Vysokapraaśviaščenstva!
Ad imia Kanfierencyi Katalickich Biskupaŭ i ŭsich viernikaŭ Katalickaha Kaścioła ŭ Biełarusi dazvolcie skiravać Vam, a ŭ Vašaj asobie — usim viernym synam i dočkam Biełaruskaj Pravasłaŭnaj Carkvy ščyraje vinšavańnie sa Zbaŭčym Śviatam Uvaskresieńnia Chrystova.
Uvaskrosły Hospad, razburyŭšy svajoju śmierciu padstupnaje zło staradaŭniaha voraha i zrynuŭšy ŭładu śmierci, viadzie za saboju novy vybrany narod, abmyty Jaho Najdaražejšaju Kryvioju ad usich pravinaŭ, pačynajučy ad hrachu našych prabaćkoŭ Adama i Jevy. Tamu radujecca ŭsio niabiesnaje vojska, a ludzi, adrodžanyja ŭ tainstvie śviatoha chryščeńnia, pa ŭsioj ziamli ŭznosiać śpieŭ chvały svajmu Pieramožnamu Vaładaru.
Niachaj ža hetaja paschalnaja radaść u ciapierašni tryvožny čas napoŭnić sercy ŭsich bratoŭ i siaścior, dziaciej našaj rodnaj Baćkaŭščyny, niachaj umacuje ich u viery i nadziei na kančatkovuju pieramohu Božaha dabra nad usialakim złom i źjadnaje nas u lubovi Chrysta Uvaskrosłaha!
Chrystos uvaskros! Sapraŭdy ŭvaskros!
Z bratniaj luboŭju ŭ Hospadzie,
Biskup Viciebski Aleh Butkievič
Staršynia Kanfierencyi Katalickich Biskupaŭ u Biełarusi
