Fota Depositphotos.com
Navukoŭcy sa Šviejcarskaj fiederalnaj łabaratoryi materyjałaznaŭstva i technałohii vykarystoŭvajuć rabatyzavanuju ruku, jakaja vykładvaje ź viarovak składanyja ŭzory. Pa miery taho jak viazańnie pačynaje nabyvać formu, na jaho nakładvajucca słai kamianioŭ, jakija paśla ŭtramboŭvajucca.
Zatym viaroŭka apavivaje kamiani i takim čynam utrymlivaje ich na miescy. U vyniku atrymlivajecca tryvałaja struktura, jakaja vytrymlivaje nahruzku prykładna kala pałovy tony, paviedamlaje The Economist.
Tradycyjna darohi i tratuary stvarajuć ź piasku, žviru i kamianioŭ. Zatym na pavierchniu nakładvajecca zapaŭnialnik, jaki źviazvajecca z cemientam i ŭtvaraje bieton abo źmiešvajecca ź bitumam, u vyniku čaho atrymlivajecca asfalt.
Adnak nivodny z hetych mietadaŭ nie źjaŭlajecca ekałahična čystym, bo padčas vytvorčaści cemientu vykidajecca vialikaja kolkaść vuhlakisłaha hazu, a bitum uvohule atrymlivajuć z nafty.
Viazańnie daroh budzie značna źmianšać vykidy. A kamiani i viaroŭki, zroblenyja ź pierapracavanaha tekstylu, ź lohkaściu pieraapracoŭvajucca. U budučyni navukoŭcy spadziajucca znajści bijałahičnyja materyjały, z dapamohaj jakich možna było b budavać darohi pa tym ža mietadzie.
