Fota The Guardian
Na vostravie Novaja Kaledonija, što ŭ Paŭdniovaj častcy Cichaha akijana, rastuć niezvyčajnyja drevy, viadomyja jak Pycnandra acuminata: ź ich kary vyciakaje sinie-zialonaje rečyva, jakoje na 25% składajecca ź nikielu. Pycnandra acuminata moža dasiahać vyšyni 20 mietraŭ.
Niekatoryja daśledčyki miarkujuć, što takim čynam raśliny abaraniajucca ad nasiakomych i infiekcyj. Bolš za toje, hleba Novaj Kaledonii bahataja na nikiel, tamu navukoŭcy ličać, što drevy mahli evalucyjanavać takim čynam, kab zachavać svoj vid. Adnak jak drevam udajecca pahłynać takuju vialikuju kolkaść mietału i pry hetym vyžyvać, zastajecca zahadkaj dla daśledčykaŭ, piša The Guardian.
Kali hetyja drevy spalić da popiełu, to možna atrymać vysakajakasnuju mietaličnuju rudu. Mahčyma, heta mahło b stać novaj krynicaj nieabchodnych mietałaŭ, ale naŭrad ci atrymajecca zamianić takim sposab tradycyjnuju zdabyču karysnych vykapniaŭ.
Daśledčyki miarkujuć, što najbolš efiektyŭna hetyja drevy možna vykarystoŭvać dla ačyščeńnia hleby, zabrudžanaj taksičnymi mietałami.
