Uładzimir Pucin vystupaje z pasłańniem Fiederalnamu schodu 21 krasavika. Skrynšot ź videa
Siońniašniaje pasłańnie Pucina Fiederalnamu schodu było ŭvohule strymanym i pryziemlenym. Rasijanam jon abiacaŭ skancentravacca na sacyjałcy, achovie zdaroŭja i adukacyi, abiacaŭ dapłaty i pabudovu daroh.
Mižnarodnaja častka pasłańnia była vielmi karotkaja. Pa sutnaści, pasłańnie Zachadu było takoje: my hatovyja hulać pa praviłach, ale prosim nie ŭmiešvacca ŭ našu zonu intaresaŭ, «budziem sami vyznačać čyrvonyja linii».
Biełaruś była zhadanaja ŭ kantekście sproby dziaržaŭnaha pieravarotu, jaki nibyta rychtavaŭsia ŭ našaj krainie, pryčym Pucin źviazaŭ hetuju sprobu z Zachadam i pastaviŭ u adzin šerah z adchileńniem ad ułady Janukoviča i pratestami suprać Madury.
«Možna jak zaŭhodna stavicca, naprykład, da prezidenta Ukrainy Janukoviča, jakoha taksama ledź nie zabili i adchilili ad ułady z dapamohaj uzbrojenaha pieravarotu, ci tam da Madury ŭ Vieniesuele. Možna mieć luby punkt hledžańnia nakont palityki prezidenta Biełarusi Łukašenki Alaksandra Ryhoraviča. Ale praktyka arhanizacyi dziaržpieravarotaŭ, płanaŭ palityčnych zabojstvaŭ, u tym liku i vyšejšych słužbovych asob… Nu heta ŭžo zanadta. Pierajšli ŭžo ŭsie miežy!» — aburyŭsia Pucin.
Faktyčna, pra Biełaruś havaryłasia jak pra kantralavanuju Rasijaj terytoryju, na jakoj Rasija budzie vyznačać, što źjaŭlajecca dziaržaŭnym pieravarotam, a što — nie.
