U ZŠA dvoje mužčyn zahinuli paśla taho, jak elektramabil Tesla ŭrezaŭsia ŭ dreva i zahareŭsia, paviedamlaje meduza.io sa spasyłkaj na chjustanski telekanał KPRC 2.
Aŭtamabil trapiŭ u avaryju ŭviečary 17 krasavika niedaloka ad horada Sprynh. Zahinuli ludzi, jany siadzieli na piarednim i zadnim pasažyrskich siadzieńniach.
Pry hetym, jak zajavili ŭ palicyi, pierad avaryjaj «nichto nie kiravaŭ» całkam elektryčnym aŭtamabilem 2019 hoda. Da kanca niezrazumieła, ci vykarystoŭvali ŭ elektrakary aŭtapiłot.
Svajak adnaho z zahinułych paviedamiŭ, što ŭ aŭtamabili znachodzilisia dvoje čałaviek. Im było 59 i 69 hadoŭ.
Aŭtamabil tušyli na praciahu čatyroch hadzin z-za taho, što batarei aŭtamabila pastajanna zaharalisia. Pažarnyja źviartalisia pa dapamohu ŭ kampaniju Tesla, ale niezrazumieła, ci adkazaŭ chto-niebudź.