Kolkaść paćvierdžanych vypadkaŭ zaražeńnia karanavirusam u śviecie pieravysiła 140,32 młn, pavialičyŭšysia za sutki bolš jak na 809 tys. Zhodna z apublikavanymi ŭ niadzielu źviestkami Suśvietnaj arhanizacyi achovy zdaroŭja (SAAZ) kolkaść śmiarotnych zychodaŭ uzrasła bolš jak na 11,4 tys., pieravysiŭšy 3 miljony.
Čaćviorty dzień zapar kolkaść novych vypadkaŭ infikavańnia pieravyšaje 800 tys.
Statystyka SAAZ ŭličvaje tolki aficyjna paćvierdžanyja źviestki, jakija pradstaŭlajucca dziaržavami.
Bolš za tracinu vypadkaŭ infikavańnia za minułyja sutki, prypadaje na Paŭdniova-Uschodniuju Aziju, na druhim miescy — Paŭnočnaja i Paŭdniovaja Amieryka, na trecim — Jeŭropa (203 134).
Bolš za ŭsio paćvierdžanych vypadkaŭ zaražeńnia zarehistravana ŭ ZŠA — 31 250 635. Dalej iduć Indyja (14 788 109), Brazilija (13 832 455), Francyja (5 178 513), Rasija (4 702 101), Vialikabrytanija (4 385 942), Turcyja( 4 212 645), Italija (3 857 443), Ispanija (3 396 685), Hiermanija (3 142 262), Polšča (2 688 025) i Arhiencina (2 658 628).
