RBK
Aŭtary lista adznačajuć, što ŭ Navalnaha jość prykmiety ciažkaha nieŭrałahičnaha rasstrojstva, jakoje pryvodzić da pastajannha bolu ŭ śpinie i straty adčuvalnaści ŭ kaniečnaściach.
«My źviartajemsia da vas, spadar Prezident, z prośbaj zabiaśpiečyć, kab spadar Navalny nieadkładna atrymaŭ kampietentnuju miedycynskuju kansultacyju i lačeńnie, u jakim jon terminova maje patrebu i na jakoje jon maje prava, jak i luby hramadzianin Rasii», — havorycca ŭ liście.
U lik tych, chto padpisaŭ list, uvajšli frontmen Radiohead Tom Jork, piśmieńniki Śviatłana Aleksijevič, Džoan Roŭlinh, Patryk Ziuskind, Sałman Rušdzi, Archan Pamuk i Nił Hiejman, akciory Ien Makkielen, Devid Duchoŭny, Bieniedykt Kambierbetč, Džut Łoŭ, Bił Nai, Vanesa Redhrejv i Styvien Fraj, paetka i łaŭreat Nobieleŭskaj premii 2020 hoda Łuiza Hluk, a taksama scenaryst i režysior Džej Džej Abrams, dramaturh Tom Stopard i inšyja.
Na sudzie pa zamienie ŭmoŭnaha terminu na realny Navalny pracytavaŭ adnaho ź piersanažaŭ Roŭlinh. «Łuna Łaŭhud, pamiatajecie takaja ŭ «Hary Potera»? Važna nie adčuvać siabie adzinokim, bo na miescy Vołan-de-morta ja b vielmi chacieła, kab ty adčuvaŭ siabie adzinokim», — skazaŭ jon.
