Fota Alesia Pileckaha, Tut.by
Rašeńniem ad 29 sakavika Viciebski abłasny vykanaŭčy kamitet unios źmieny ŭ pieralik dziaržaŭnych sacyjalnych standartaŭ pa absłuhoŭvańni nasielnictva Viciebskaj vobłaści, jaki byŭ pryniaty ŭ 2011 hodzie i apošni raz mianiaŭsia ŭ 2018.
Standartami vyznačana, što da 2026 hoda ŭ haradach i haradskich pasiołkach centralny vodapravod pavinien być u 100% žycharoŭ, u ahraharadkach — u 85%.
Cikavy momant z padačaj haračaj vady zaŭvažyli «Narodnyja naviny Viciebska»: kali raniej haračaj vadoj žychary Viciebskaj vobłaści pavinny byli zabiaśpiečvacca štodnia — biez ahavorak, to ciapier da 2025 hoda «ŭ vyklučnych vypadkach z ulikam najaŭnych finansava-techničnych mahčymaściaŭ» mažliva ŭ mižaciaplalny pieryjad padavać haračuju vadu pa hrafikach, zaćvierdžanych miascovymi vykanaŭčymi i rasparadčymi orhanami — ale nie mienš za dva dni na tydzień.
Ź pieraliku prybrali taksama normy pa zabiaśpiečanaści haradoŭ i harpasiołkaŭ łaźniami — raniej patrabavałasia mieć nie mienš za 3 miescy na 1000 žycharoŭ va ŭparadkavanych rajonach i nie mienš za 5 miescaŭ na 1000 žycharoŭ — u nieŭparadkavanych.
