«Jana budzie ŭ siem razoŭ čyściejšaja za tuju, što dapuskajecca normami Suśvietnaj arhanizacyi achovy zdaroŭja», — skazaŭ jon na pres-kanfierencyi ŭ Tokia.
Pytańni da vice-premjera z nahody čyścini vady, jakuju źbirajucca źlić u akijan z AES «Fukusima-1», byli źviazanyja z vostraj krytykaj hetaha rašeńnia Tokia ŭ Kitai i Paŭdniovaj Karei. 15 krasavika aficyjny pradstaŭnik MZS KNR zaklikaŭ japonskich palitykaŭ asabista vypić hetuju vadu, a taksama vykarystać jaje dla hatavańnia ježy i prańnia adziežy. Pa słovach dypłamata, tolki tak možna pierakanać śviet u biaśpiecy namieraŭ Tokia.