U Hrodzienskim rajonie chłopca vyratavali pry sprobie saskočyć z dachu trochpaviarchovaha doma, paviedamlaje MNS.
Infarmacyja pra toje, što ŭ vioscy Žukievičy 17-hadovy chłopiec źbirajecca saskočyć z dachu i patrabujecca dapamoha ratavalnikaŭ, pastupiła ŭ słužbu 101 10 krasavika ŭ 19.46.
Nieŭzabavie dva adździaleńni pažarnaj avaryjna-vyratavalnaj častki №7 Hrodna prybyli da miesca incydentu. Junak siadzieŭ na krai dachu, źviesiŭšy nohi ŭniz. Načalnik dziažurnaj źmieny razam z kalehami padniaŭsia na dach i pasprabavaŭ adhavaryć chłopca ad zadumanaha. Tym časam inšyja ratavalniki razharnuli «kub žyćcia». Ale, pakolki junak niervavaŭsia i biehaŭ pa dachu, nadzimanuju kanstrukcyju pryjšłosia nieadnarazova pieramiaščać.
20 chvilin ratavalniki hutaryli z chłopcam, a kali ŭdałosia adciahnuć jaho i padyści bližej, uziali pad ruki, vyvieli ŭniz i pieradali miedrabotnikam.
