Jak śviedčyć dakumient pad nazvaj Global Trends 2040, pandemija kavidu ŭzmacniła ekanamičnuju niaroŭnaść i nacyjanalistyčnyja nastroi, a taksama nahruzku na dziaržaŭnyja biudžety krain.
Ale amierykanskija ekśpierty kažuć, što nastupnyja 20 hod buduć jašče ciažejšymi. Pa ich słovach, rost nasielnictva Ziamli zapavolicca, a značyć, jaho siaredni ŭzrost pavysicca, stan klimatu i mižnarodnyja adnosiny jašče bolš pahoršajuć. Pry hetym raniejšyja pradkazańni ekśpiertaŭ Rady spraŭdzilisia. Tak, u minułaj viersii dakłada vykazvałasia zdahadka, što ŭ 2020-ch moža zdarycca suśvietnaja pandemija, praź jakuju źnizicca kolkaść mižnarodnych padarožžaŭ, piša Daily Mail.
U ciapierašniaj viersii dakłada jość analiz pandemii. Ekśpierty nazyvajuć jaje najbolš značnym prykładam hłabalnaj destabilizacyi z časoŭ Druhoj suśvietnaj vajny i śćviardžajuć, što jašče šmat hadoŭ čałaviectva budzie sutykacca z nastupstvami kavidu ŭ roznych śfierach žyćcia i z vyklikanymi pandemijaj niapeŭnaściami.
Ale ekśpierty Rady pa raźviedcy znachodziać pryčyny dla kłopatu nie tolki ŭ nastupstvach kavidu. Naprykład, jany ličać, što praź źmieny klimatu pavialičycca niedachop vady i praduktaŭ u biednych krainach i ŭzmacnicca mihracyja. Taksama ŭ dakładzie havorycca, što stareńnie nasielnictva i nastupstvy pandemii vyklikajuć paharšeńnie ŭzroŭniu adukacyi i miedycyny.
Što datyčyć palityki, Rada śćviardžaje, što nasielnictva budzie hublać davier da ŭradaŭ i instytutaŭ. Pradstaŭniki dziaržaŭnaha i niedziaržaŭnaha siektaraŭ buduć zmahacca za lidarstva ŭ navucy i technałohii, što vyklikaje patencyjna vysokija ryzyki ŭ śfierach ekanamičnaj, vajennaj i sacyjalnaj biaśpieki.
