«Abaronim svaju siamju, horad, krainu» abviaščajecca na płakacie. karys.lt
U sieradu ŭ krainie pačałasia rehistracyja hramadzian, jakija žadajuć unieści svoj układ u abaronu dziaržavy i nabyć vajennyja navyki, u kamiendanckija častki mirnaha času, piša Delfi.lt.
Jak paviedamiła Ministerstva abarony, ludzi ŭsich śpiecyjalnaściaŭ i adukacyi, jakija žadajuć padrychtavacca da abarony krainy i atrymać bazavyja vajskovyja viedy, da 31 žniŭnia mohuć zarehistravacca, zapoŭniŭšy formu na sajcie karys.lt, abo ŭ bližejšym padraździaleńni Słužby voinskaha abaviazku i kamplektavańnia. Zarehistravanyja asoby buduć zaprašacca na vučeńni ŭ składzie vajskovych častak vajennych kamiendatur ad 3 da 10 dzion u hodzie. Padčas vučeńniaŭ płanujecca zabiaśpiečvać uzbrajeńniem i ekipiroŭkaj.
U vypadku vajny hramadzianie, uklučanyja ŭ śpisy kamiendatur i jakija atrymali voinskija navyki, buduć dapamahać abaraniać svoj horad ci rajon, achoŭvać važnyja abjekty ŭ žyłym asiarodździ, pasty kantrolu, zabiaśpiečvać zachavańnie kamiendanckaj hadziny, udzielničać u pracesie rekvizicyi majomaści, sačyć za navakolnym asiarodździem, zmahacca ź niezakonnymi ŭzbrojenymi farmiravańniami abo vykonvać inšyja zadačy, pastaŭlenyja Litoŭskaj armijaj.
U mirny čas kamiendanckija čaści buduć zapoŭnienyja prafiesijnymi vajskoŭcami, pryličanymi pryzyŭnikami padrychtavanaha reziervu, kamiendanckimi strełkami Sajuza strałkoŭ i hramadzianskimi asobami. U mirny čas ich vajennuju padrychtoŭku buduć zabiaśpiečvać dobraachvotnickija siły achovy kraju.
Płanujecca, što vajennaja padrychtoŭka ŭ voinskich čaściach vajennych kamiendatur pačniecca ŭ kastryčniku. Struktura vajennych kamiendatur u mirny čas budzie stvorana na asnovie Słužby vajskovaha abaviazku i kamplektavańnia litoŭskaha vojska i ŭžo isnujučych kamiendatur.
