TASS
U Kramli zajavili pra mahčymuju pahrozu dla Rasii praz eskałacyju situacyi na Danbasie. Z-za hetaha RF prymaje adpaviednyja miery dla svajoj biaśpieki. Pra heta zajaviŭ pres-sakratar prezidenta RF Dźmitryj Piaskoŭ, paviedamlaje TASS.
Piaskoŭ zajaviŭ, što Rasija nie niasie pahrozu nivodnaj krainie śvietu.
«Rost napružanaści, eskałacyja napružanaści na paŭdniovym uschodzie Ukrainy abumoŭlivaje tyja miery, jakija Rasija prymaje dla zabieśpiačeńnia svajoj biaśpieki», — skazaŭ pradstaŭnik Kramla.
RBK-Ukraina ŭ svaju čarhu zaznačaje, što ŭ hałoŭnym upraŭleńni raźviedki Minabarony Ukrainy zajavili ab vajennaj niebiaśpiecy z-za ściahvańnia rasijskich vojskaŭ da miežaŭ. Pra eskałacyju na Danbasie pačali kazać mienavita praz pašyreńnie vajskovaj prysutnaści la miežaŭ Ukrainy.
Akramia taho, u piatnicu na Danbasie ŭ vyniku varožaha abstrełu zahinuli čaćviora ŭkrainskich vajskoŭcaŭ, a dvoje atrymali ranieńni. Padzieja adbyłasia ŭ rajonie nasielenaha punkta Šumy.
