Ministerstvam adukacyi pryniata pastanova ab praviadzieńni centralizavanaha testavańnia pa vučebnych pradmietach ŭ 2021 hodzie.
Dakumientam vyznačany hrafik praviadzieńnia centralizavanaha testavańnia (CT): 16 červienia — biełaruskaja mova, 18 i 19 červienia — ruskaja mova, 21 červienia — hramadaznaŭstva, 23 i 24 červienia — matematyka, 26 červienia — bijałohija, 28 červienia — zamiežnaja mova (anhlijskaja, niamieckaja, francuzskaja, ispanskaja, kitajskaja), 30 červienia — chimija, 2 lipienia — fizika, 4 lipienia — historyja Biełarusi, 6 lipienia — hieahrafija, 8 lipienia — suśvietnaja historyja (najnoŭšy čas).
Vyznačany taksama reziervovyja dni praviadzieńnia CT: 14 i 16 lipienia — pa biełaruskaj i ruskaj movach, 14 i 18 lipienia — pa astatnich pradmietach.
Dakumientam ustanoŭleny pieralik ustanoŭ adukacyi, vyznačanych punktami praviadzieńnia CT i punktami rehistracyi dla jaho prachodžańnia. Takich ustanoŭ 3 u Minskaj vobłaści, pa 4 — u Bresckaj, Viciebskaj i Hrodzienskaj abłaściach, 6 — u Homielskaj, 7 — u Mahiloŭskaj, 13 — u Minsku.
Pastanovaj vyznačany: čas pracy punktaŭ rehistracyi dla prachodžańnia centralizavanaha testavańnia — z 9.00 da 19.00 (u niadzielny dzień (2 maja) i subotnija dni (15, 29 maja) — z 9.00 da 18.00). Terminy rehistracyi abituryjentaŭ dla prachodžańnia centralizavanaha teściravańnia ŭ reziervovyja dni — z 2 pa 9 lipienia. Čas pačatku CT u asnoŭnyja i reziervovyja dni — 11.00.
