Televiadučy ŭkrainskaha kanała «Inter» Andrej Damanski paviedamiŭ, što nie budzie vieści «Słavianski bazar u Viciebsku». Pra heta Damanski napisaŭ u Instagram.
«Pavažanyja biełarusy! Ja nie pajedu na Słavianski bazar! Vymušany byŭ zakryć kamientary z-za vializnaha patoku jak adekvatnych, tak i ahresiŭnych paviedamleńniaŭ. Chaču asobna padziakavać ludziam, jakija, niahledziačy na emocyi, vykazvali svoj punkt hledžańnia ŭ pavažnaj formie. Učora zdymali «Hatujem razam», było nie da pastoŭ (prahrama, darečy, budzie bambieznaj). Maju kandydaturu sapraŭdy razhladali ŭ jakaści viadučaha, ale aficyjnaj zhody z majho boku niama i nie budzie. Dziakuj za razumieńnie, usim mir», — napisaŭ Damanski.
Imia Damanskaha pakul što paznačana na aficyjnym sajcie biełaruskaha fiestyvalu.
Nahadajem, 30 sakavika 2021-ha stała viadoma, što inšy ŭkrainski televiadučy Cimur Mirašničenka zajaŭleny viadučym fiestyvalu «Słavianski bazar u Viciebsku», jaki jon vioŭ apošnija 10 hadoŭ. Heta vyklikała niehatyŭnuju reakcyju ŭ sacyjalnych sietkach i ŚMI. Paźniej Mirašničenka paviedamiŭ, što admoviŭsia ŭdzielničać u fiestyvali.
