Pahadnieńnie ab pastaŭcy biełaruskich naftapraduktaŭ praz rasijskija porty pa sutnaści dazvoliła sfarmiravać novy mižnarodny transpartny kalidor, praź jaki ŭžo ciapier pastaŭlena bolš za 220 tysiač ton hruzaŭ. Pra heta zajaviŭ premjer-ministr Rasii Michaił Mišuścin, paviedamlaje TASS.
Jon nahadaŭ, što pa daručeńni Pucina ŭ pačatku hetaha hoda ŭrad prapracavaŭ i padpisaŭ mižuradavaje pahadnieńnie ab pastaŭcy biełaruskich naftapraduktaŭ praz rasijskija marskija porty. Hety dakumient raźličany na try hady i praduhledžvaje mahčymaść aŭtamatyčnaha padaŭžeńnia. Za hety čas pavinna być pieravieziena amal 10 młn ton biełaruskich naftapraduktaŭ, paznačyŭ kiraŭnik rasijskaha Kabinieta ministraŭ.
«Miesiac tamu ŭ hetym kirunku pačałasia aktyŭnaja praca. Praz našy marskija porty ŭžo adhružana bolš za 220 tysiač ton, heta amal na čverć pieravyšaje zapłanavanyja abjomy», — adznačyŭ Mišuścin.
