Sajuz eŭrapiejskich futbolnych asacyjacyj (UEFA) dazvoliŭ miascovym orhanam ułady samastojna prymać rašeńni ab zapaŭnialnaści trybun na futbolnych turnirach, jakija prachodziać pad jaho ehidaj, paviedamiła pres-słužba arhanizacyi.
Vykanaŭčy kamitet UEFA pierahledzieŭ rašeńnie ad 1 kastryčnika 2020 hodu, kali jon dazvoliŭ viarnuć hledačoŭ na matčy tolki ŭ kolkaści 30% ad jomistaści stadyjona. Ciapier vykankam paličyŭ, što takoje abmiežavańnie bolš nie patrabujecca. Raniej na šerahu matčaŭ trybuny byli całkam pustymi.
«Pakolki epidemičnaja sytuacyja ŭ 55 nacyjanalnych asacyjacyjach UEFA značna adroźnivajecca, rašeńnie ab dapuščalnaj kolkaści hledačoŭ musiać prymać vyklučna naležnyja orhany miascovaj i/abo dziaržaŭnaj ułady», — paviedamiła pres-słužba.
Razam z hetym zastajecca zabarona na pryjezd zaŭziataraŭ kamandy, jakaja budzie hulać u haściach. Abmiežavańnie budzie dziejničać jak minimum da finałaŭ eŭrapiejskich kubkaŭ — Lihi čempijonaŭ i Lihi Eŭropy.
