Fota Depositphotos.com
Pakul što jaho možna pakaštavać tolki ŭ pryvatnym kłubie, jaki prapanuje nahietsy sa štučnaj kuraciny za 23 dalary. Kala 200 čałaviek užo skarystalisia hetaj mahčymaściu.
Kuracinu dla nahietsaŭ pastaŭlaje Eat Just Inc. — kampanija z San-Francyska, što pabudavała ŭ Sinhapury svaju fabryku i atrymała ad dziaržavy dazvoł na vyrab štučnaha miasa.
Praces vytvorčaści miasa ŭsio jašče źviazany z zabojstvam žyvioł. Dla vyroščvańnia štučnaj kuraciny vykarystoŭvajecca pažyŭny rastvor, u składzie jakoha — atrymanaja ad zabitych rahatych žyvioł byčynaja syrovatka. Vytvorcy śćviardžajuć, što jany stvaryli rastvor i biez žyviolnaha kampanienta, ale dla jaho vykarystańnia patrebny dazvoł sinhapurskaha ŭrada, piša The Wall Street Journal.
Jak minimum 10 inšych kampanij taksama raspracoŭvajuć miasa z prabirki samych roznych vidaŭ — ad marmurovaj jałavičyny da łasosia i miasa kienhuru. Niekatoryja ź ich navat atrymali finansavuju padtrymku ŭ vyhladzie inviestycyj ad vialikich kampanij-pastaŭščykoŭ miasa nakštałt Tyson Foods i Cargill.
Kampanii-ŭdzielniki daśledavańniaŭ kažuć pra toje, što ŭ štučnaha miasa šmat pieravah.
Adna ź ich zaklučajecca ŭ tym, što takoje miasa mahčyma atrymlivać u abmiežavanaj prastory i ŭ zakrytych pamiaškańniach.
Bolš za toje, jak u vypadku ź sinhapurskaj kuracinaj, miasa ŭ prabircy vyroščvajecca biez vykarystańnia antybijotykaŭ.
Da taho ž, štučnaje miasa nie patrabuje masavaha vyroščvańnia žyvioł z metaj ich dalejšaha zabojstva.
Ale navat siarod abaroncaŭ žyviołaŭ jość krytyki novaha praduktu. Niekatoryja ź ich aścierahajucca taho, što praz štučnaje miasa ludzi jašče bolš pierakanajucca ŭ tym, što miasa im žyćciova nieabchodnaje.
