Pieršyja ŭ 2021 hodzie sumiesnyja rasijska-biełaruskija taktyčnyja vučeńni projduć u pieryjad z 9 da 20 sakavika na palihonie «Paliŭna» va Uljanaŭskaj vobłaści. Vučeńni buduć praviedzieny pad kiraŭnictvam kamandzira Uljanaŭskaha asobnaha hvardziejskaha desantna-šturmavoha złučeńnia pałkoŭnika Uładzimira Sielivierstava i pryśviečany miratvorčaj tematycy.
Usiaho ŭ vučeńni budzie zadziejničana bolš za 400 vajskoŭcaŭ i kala 100 adzinak bajavoj i śpiecyjalnaj techniki Uljanaŭskaha złučeńnia, ad biełaruskaha boku bolš za 80 vajskoŭcaŭ asobnaha hvardziejskaha desantna-šturmavoha złučeńnia sił śpiecyjalnych apieracyj Uzbrojenych sił Biełaruś, dysłakavanaha ŭ Breście.
Akramia taho ŭ vučeńniach buduć zadziejničany 2 udarnyja viertaloty Mi-24 i 6 transpartna-bajavych viertalotaŭ Mi-8AMTŠ Centralnaj vajennaj akruhi.
Paralelna ŭ pieryjad z 15 pa 27 sakavika na palihonie «Asipovicki» ŭ Minskaj vobłaści projdzie sumiesnaje biełaruska-rasijskaje taktyčnaje vučeńnie. Padraździaleńni rasijskich i biełaruskich desantnikaŭ adpracujuć sumiesnyja śpiecyjalnyja dziejańni ŭzmocnienaha parašutna-desantnaha bataljona pa abaronie i nastupleńni dniom i nočču.
Ad Rasijskaj Fiederacyi ŭ vučeńni voźmie ŭdzieł kala 90 vajskoŭcaŭ hvardziejskaha Čarnamorskaha desantna-šturmavoha pałka Pskoŭskaha hvardziejskaha złučeńnia VDV, ad SSA ŭzbrojenych sił Biełarusi — bolš za 400 čałaviek asabovaha składu i kala 100 adzinak bajavoj i śpiecyjalnaj techniki Viciebskaha asobnaha hvardziejskaha pavietrana-desantnaha złučeńnia.
