nhl.com
«Z hłybokim sumam paviedamlaju pra śmierć majho baćki. Apošnija niekalki hadoŭ jon zmahaŭsia z chvarobaj Parkinsana i inšymi prablemami sa zdaroŭjem, ale nikoli nie dazvalaŭ chvarobie złamać siabie. Dla majoj siastry i troch maich bratoŭ tata byŭ kapitanam kamandy — jon kiravaŭ i abaraniaŭ našu siamju kožny dzień, na kožnym etapie darohi», — napisaŭ Uejn Hrecki.
Uołtar Hrecki naradziŭsia ŭ 1938 hodzie ŭ horadzie Keninh kanadskaj pravincyi Antaryjo. Jaho baćka Ciarenci naradziŭsia na terytoryi Hrodzienskaj hubierni i emihravaŭ z Rasijskaj impieryi pierad Kastryčnickaj revalucyjaj. Pisali, što dzied razmaŭlaŭ z Uejnam pa-biełarusku.
Uołtar Hrecki hulaŭ u chakiej na junackim uzroŭni, ale ŭ Nacyjanalnuju chakiejnuju lihu (NCHŁ) prabicca nie zmoh. Da vychadu na piensiju ŭ 1991 hodzie jon pracavaŭ ustanoŭščykam i majstram pa ramoncie abstalavańnia ŭ telefonnaj kampanii Bell Canada.
