Fota BBC
Aŭtamabil — vynik sumiesnaj pracy kitajskaj dziaržaŭnaj kampanii SAIC Motor, najbolšaha vytvorcy aŭtamabilaŭ u krainie, i hihanta amierykanskaj aŭtamabilnaj industryi General Motors (GM).
U minułym miesiacy žychary Kitaja kuplali Hong Guang Mini EV u dva razy čaściej, čym Tesla.
Ekśpierty kažuć, što Hong Guang Mini EV našmat horšy za amierykanskaha kankurenta, kali kazać pra mahčymaści jaho akumulatara i dynamiku padčas ruchu, ale elektramabil zdabyŭ papularnaść dziakujučy nizkaj canie i zručnaści karystańnia. Maksimalnaja chutkaść jaho bazavaj madeli — 100 kiłamietraŭ u hadzinu, a ŭ sałonie aŭtamabila ledź chopić miesca dla čatyroch pasažyraŭ, piša VVS.
Šon Rejn, kiraŭnik markietynhavaj kampanii China Market Research Group, tłumačyć, što kitajski ŭrad surjozna stavicca da prablemy źnižeńnia zabrudžvańnia navakolnaha asiarodździa i płanuje zrabić krainu suśvietnym lidaram u śfiery elektramabilaŭ.
Kab zrabić Hong Guang Mini EV jašče bolš papularnymi, kitajski ŭrad prapanuje biaspłatnyja i harantavanyja numarnyja znaki. U šmatlikich kitajskich haradach treba miesiacy ci navat hady čakać mahčymaści nabyć numarny znak dla aŭtamabila ź bienzinavym ruchavikom praz roznyja aŭkcyjony.
Aŭtamabilny analityk Sem Fijarani paviedamlaje, što ŭ Kitai pracuje vielmi šmat vytvorcaŭ maleńkich i tannych elektramabilaŭ. Adnak jany nie mohuć raźvivać vialikuju chutkaść. Tamu hetyja mašyny nie karystajucca vialikaj papularnaściu. Aŭtamabili Hong Guang Mini EV — pieršy vypadak, kali vialikaja kampanija prapanavała karystalnikam aŭtamabil bolš vysokaha ŭzroŭniu.
