BiełTA
Jon z krasavika 2019 hoda vykonvaŭ abaviazki pieršaha vice-prezidenta NAK, a ŭ listapadzie taho ž hoda byŭ abrany Alimpijskim schodam na hetuju pasadu.
Alaksandar Łukašenka ŭznačalvaŭ NAK z maja 1997 hoda.
Pytańnia pieravybaraŭ, mahčyma, nie stajała b, kali b nie cisk z boku Mižnarodnaha alimpijskaha kamiteta ŭ suviazi z palityčnymi represijami ŭ dačynieńni da biełaruskich spartoŭcaŭ.
Jašče ŭ śniežni vykankam MAK pastanaviŭ, što «ciapierašniaje kiraŭnictva NAK naležnym čynam nie abaraniła biełaruskich spartoŭcaŭ ad palityčnaj dyskryminacyi», što supiarečyć Alimpijskaj chartyi, i ŭvioŭ sankcyi ŭ dačynieńni da NAK Biełarusi.
Sankcyi ŭklučali zabaronu Alaksandru Łukašenku, tahačasnamu kiraŭniku NAK, Viktaru Łukašenku, u toj čas pieršamu vice-prezidentu NAK, a taksama inšym členam Vykankama NAK naviedvać Tokia-2020 i spynieńnie luboj finansavaj padtrymki hetaj arhanizacyi.
Alaksandr Łukašenka ŭ śniežni rezka adreahavaŭ na rašeńnie MAK: «Treba nam źviarnucca ŭ sud. Chaj [staršynia MAK Tomas] Bach i banda raskažuć, u čym maja vina, što ja svaju krainu abaraniaju?! Udzieł u hetych mierapryjemstvach ja 25 hadoŭ nie prymaŭ, pieražyvu i dalej. Ale vy što, sabrali ŭsie krainy i pryniali rašeńnie?? I dobra ja, navošta dziaciej čapajecie? Niama spraviadlivaści ŭ śviecie. Kali ty spraviadlivuju palityku vybudoŭvaješ — budzieš voraham».
Na apošnim pasiadžeńni vykankama MAK, što prajšło 24 lutaha, kiraŭnik kamiteta Tomas Bach zajaviŭ, što jany sočać za situacyjaj vakoł vybaraŭ u NAK Biełarusi i ŭžo paśla buduć abmiarkoŭvać svaje mahčymyja dalejšyja dziejańni.
Alaksandr Łukašenka: Viktar siońnia ž budzie zvolnieny z pasady pamočnika prezidenta pa nacyjanalnaj biaśpiecy
