Biełaruś budzie vybirać novaha pradstaŭnika zamiest duetu VAL, jaki pieramoh u nacyjanalnych spaborach letaś. Muzyki padpisali list za novyja vybary, Biełteleradyjokampanija nazvała hurt niesumlennym, piša Radyjo Svaboda.
Biełaruś, jak i jašče 19 krain, praviadzie novy adbor. Zajaŭki prymajucca na sajcie Biełteleradyjokampanii da 31 studzienia.
«Jeŭrabačańnie-2020» miełasia adbycca ŭ Niderlandach letaś, ale epidemijalahičnaja sytuacyja zmusiła dyrekcyju konkursu adkłaści jaho na hod. 22 krainy zachavali za pieramožcami minułahodnich nacyjanalnych adboraŭ prava pajechać u Roterdam 18-22 maja 2021.
Biełteleradyjokampanija źmianiła praviły nacyjanalnaha adboru. Pretendentam nieabchodna dasłać videazapis vykanańnia kampazycyi z žyvym hukam. Adzin pretendent moža pradstavić tolki adnu pieśniu. Jana nia moža mieć kamercyjnaj realizacyi, chranametraž abmiežavany 3 chvilinami.
Da ŭdziełu ŭ nacyjanalnym adbory zaprašajuć jak solnych vykanaŭcaŭ, tak i kalektyvy z kolkaściu ŭdzielnikaŭ nia bolš za šeść čałaviek. Mohuć udzielničać i zamiežnyja hramadzianie. Uzrostavaje abmiežavańnie — nie maładziejšyja za 16 hadoŭ.
Duet VAL, jaki pieramoh u biełaruskim konkursie letaś, raskrytykavaŭ prymus vystupać na dziaržaŭnych kancertach, za što atrymaŭ ad Biełteleradyjokampanii abvinavačańni ŭ «adsutnaści sumleńnia».
«U artystaŭ niama sumleńnia». Hurt VAL nie pajedzie na «Jeŭrabačańnie» ŭ nastupnym hodzie
U kastryčniku muzyki duetu Valeryja Hrybusava i Uład Paškievič padpisali Adkryty list dziejačaŭ kultury z patrabavańniami pierahledzieć vyniki prezydenckich vybaraŭ, spynić hvałt, admianić «čornyja śpisy» i nie čynić cisk na majstroŭ kultury, nia zhodnych z palitykaj uładaŭ.
