Raman Maskadynia
Letam Raman Maskadynia pakinuŭ u supołcy «Salihorsk.org» kamientar, u jakim daŭ niehatyŭnuju charaktarystyku źniešnaści namieśnika načalnika miascovaha RUUS Siarhieja Sałaŭja.
U toj dzień salihorskaja milicyja razhaniała łancuh salidarnaści z represavanymi palitykami.
A 23 listapada Maskadyniu za toj kamientar sudzili pa artykule 369 Kryminalnaha Kodeksa (abraza pradstaŭnika ŭłady).
Zajavu, miarkujučy pa materyjałach suda, padaŭ sam Sałaviej, jaki ŭbačyŭ dopis pra siabie ŭ internecie i kamientary pad im.
Sudździa Volha Prakapovič paličyła, što za taki kamientar Maskadyniu treba aštrafavać na 5400 rubloŭ.
Siarhiej Sałaviej zaprasiŭ 3000 rubloŭ kampiensacyi, sudździa zadavoliła jaho prośbu častkova — na 2000 rubloŭ.
Takim čynam, ahulny rachunak za kamientar u sacsietkach — 7400 rubloŭ.
«Mnie dali maksimalny štraf. Sam Sałaviej u sud nie źjaviŭsia — nibyta byŭ na samaizalacyi. Ja vinu pryznaŭ i raskajaŭsia, a rašeńnie suda mahu patłumačyć tolki tak: u dziaržavy niama hrošaj», — skazaŭ «Našaj Nivie» Maskadynia.
Na karyść dziaržavy kanfiskavana taksama «pryłada złačynstva» — telefon iPhone 7.
